Abstemius 21

De qvadrvpedibvs societatem adversvs aves cvm piscibvs inevntibvs

QVadrupedes quum bellum sibi ab auibus esset indictum, cum piscibus fœdus inierunt, ut eorum auxilio se ab auium furore tuerentur. Quum autem optata expectarent auxilia, pisces negant per terram ad eos accedere posse. Hæc nos admonet fabula, ne eos nobis socios faciamus, qui quum opus sit, nobis auxilio esse non possint.