Abstemius 30
De divite qvodam et servo
VIr erat diues seruum habens tardi ingenii, quem regem stultorum solebat
nuncupare. Ille his uerbis sæpius irritatus statuit hero par referre. Semel enim in
herum conuersus. « Vtinam inquit rex stultorum essem. In toto enim terrarum orbe
nullum meo latius esset imperium, et tu quoque meo subesses imperio. »
Fabula indicat omnia plena esse stultorum.