Abstemius 74
De sene ob impotentia[m] libidinem carnis relinqvente
VIr quidam sanctitate præditus singulari senem quendam admonebat, ut
tandem uitium libidinis dimitteret, cui uehementer insudarat. Cui senex « Obtemperabo
inquit pater sancte sanctissimis optimisque admonitionibus tuis. Nam usum Veneris
admodum mihi obesse sentio, et uirga amplius non arrigitur. »
Fabula indicat multos non amore uirtutis et Dei, sed timore pœnæ et impotentia
consuetis uitiis solere desistere.