Abstemius 2
De rvstico impetrante, vt triticvm absqve aristis nasceretvr
IMpetrauerat a Cerere Rusticus quidam, ut triticum absque aristis
nasceretur, ne metentium triturantiumque manus læderet. Quod ubi inaruit, a minutis
auibus depastum est. Tum Rusticus « Quam digna inquit patior, qui paruæ commoditatis
causa emolumenta quam maxima perdidi. »
Fabula indicat parva
incommoda maiori utilitate pensanda.