Abstemius 64
De asino ægrotante et lvpis visitantibvs
ASinus ægrotabat famaque exierat eum cito moriturum. Ad eum igitur
uisendum quum lupi canesque uenissent, peterentque a filio, quomodo pater eius se
haberet. Ille per hostii [sic] rimulam respondit. « Melius quam
uelletis. »
Hæc indicat fabula, quod multi fingunt moleste
ferre mortem aliorum, quos tamen cupiunt celeriter interire.