Abstemius 20
De piscibvs e sartagine in prvnas desilientibvs
PIsces adhuc uiui in sartagine feruenti oleo coquebantur. Quorum unus
« Fugiamus hinc fratres inquit ne pereamus. » Tunc omnes pariter e sartagine
exilientes in ardentes prunas deciderunt. Maiori igitur dolore affecti damnabant
consilium, quod ceperant dicentes. « Quanto atrociori nunc morte perimus ? »
Hæc nos admonet fabula, ut ita præsentia uitemus pericula, ne
incidamus in grauiora.