Privilege du Roy.

L OVIS PAR LA GRACE DE DIEV Roy de France & de Navarre : A nos Amez & Feaux Conseillers les Gens tenans nos Cours de Parlement, Maistres des Requestes ordinaires de nostre Hostel, Prevost de Paris, ou son Lieutenant Civil, Baillifs, Seneschaux, Prevostes, & tous autres nos Iusticiers & Officiers qu’il appartiendra : Salvt. Nostre cher & bien Amé : M.M.D.P. Nous a fait remontrer, qu’il auroit composé un Livre intitulé, l’Idée des Spectacles Anciens & Nouveaux, qu’il desireroit donner au public, s’il nous plaisoit luy en accorder la permission, & iceluy faire imprimer, requerant nos Lettres à ce necessaires : A ces causes, desirant favorablement traiter l’Exposant : Nous luy avons permis & octroyé, permettons & octroyons par ces Presentes, de faire Imprimer le dit Livre par l’un de nos Imprimeurs par nous choisis & reservez, que bon luy semblera, en tel marge, volume & caractere, & autant de fois qu’il voudra, durant le temps de sept années, à commancer du jour qu’il fera achevé d’imprimer ; pendant lequel temps, faisons tres-expresses deffences à tous Imprimeurs, Libraires & autres personnes de quelque qualité & condition qu’elles soient, de l’imprimer ou faire Imprimer, vendre & distribuer en aucun lieu de nostre Royaume, Païs & Terres de nostre obeïssance, sans le consentement dudit Exposant, ou de ceux qui auront droit de luy : à peine de deux mille livres d’amande, aplicable un tiers à l’Exposant, un tiers à Nous, & l’autre tiers à l’Hôpital General de nostre Ville de Paris, de confiscation des Exemplaires contrefaits, & de tous despens, dommages & interests ; à la charge qu’il en sera mis deux Exemplaires en nostre Bibliotheque, un en celle de nostre Cabinet, de nostre Chasteau du Louvre, & un autre en celle de nostre Amé & Feal, le Sieur Seguier, Chevalier, Chancelier de France, avant que de l’exposer en vente, & que ces Presentes seront registrés sur le Livre de la Communauté des Marchands Libraires & Imprimeurs. Si vous mandons, que du contenu en ces Presentes, vous ayez à faire jouyr ledit Exposant, pleinement & paisiblement, cessant & faisant cesser tous troubles & empeschemens au contraire : Voulans en outre que mettant au commencement ou à la fin dudit Livre, coppie des Presentes ou Extrait d’icelles, elles soient tenuës pour bien & duëment signifiées ; commandons aussi au premier nostre Huissier ou Sergent sur ce requis : faire pour l’execution des Presentes, tous Exploits necessaires, sans pouvoir demander autre permission, nonobstant clameur de Haro, Charte Normande, & Lettres à ce contraires Car tel est nostre plaisir : Donné à Paris, le jõur de l’an de grace, mil six cent soixante-sept, & de nôtre Regne le vingt-cinq.

Par le Roy en son Conseil.

Registré sur le Livre de la Communauté des Imprimeurs & Libraires de Paris, le premier Mars, 1668. Suivant l’Arrest du Parlement du 8. Avril. 1653. & celuy du Conseil privé du 21. Fevrier. 1661.

Et ledit Sieur, M.M.D.P. a cedé & transporté son droit du present Privilege à Michel Brunet, Marchand Libraire à Paris, suivant l’accord fait entre-eux.

Achevé d’imprimer pour la premiere fois, le vingt-cinquiéme May. 1668.